DÍA INTERNACIONAL PARA A ELIMINACIÓN DA VIOLENCIA CONTRA A MULLER

O alumnado de 4º ESO A quere compartir os carteis que confeccionou para conmemorar o 25N e rexeitar calquera tipo de violencia contra a muller:

ASASINATOS

AGRESIÓN FÍSICA

VIOLACIÓN

ABUSO SEXUAL

AMEAZAS

BERROS

INSULTOS

ACOSO

HUMILLACIÓNS

VEXACIÓNS

DESPREZOS

CHANTAXE EMOCIONAL

MENOSPREZO

HUMOR SEXISTA

CONTROL

PUBLICIDADE SEXISTA

DOMINACIÓN

ANULACIÓN

LINGUAXE SEXISTA

DÍA INTERNACIONAL PARA A ELIMINACIÓN DA VIOLENCIA CONTRA A MULLER

 O alumnado de 4º ESO planta cara á violencia contra a muller e participa na campaña promovida pola biblioteca escolar. 

MANIFESTO CONTRA A VIOLENCIA

Avance e progreso na sociedade actual? Nós, dicimos non! Unha sociedade avanzada non permite nin tolera a agresión a unha persoa. Queremos dicir basta! Basta a unha sociedade hipócrita!  Definímonos como  sabios, hommo sapiens, pero sómolo realmente?

Diferenciámonos dos animais pola nosa capacidade de razoamento, pero unha persoa que maltrata a outra ata incluso causarlle a morte, merece ese cualificativo? Non! Abride os ollos,  nós querémosvolos abrir! Facervos comprender que a nosa sociedade non debería tolerar a agresión, a humillación, o acoso ou o asasinato de ningunha persoa.

Basta desta hipocrisía, erguede a cabeza e mirade o que está a pasar. Loitade para que cambie e despois poder dicir orgullosos/as que vivimos nunha sociedade avanzada e progresista que deixou atrás calquera tipo de machismo. Cando a violencia contra a muller desapareza, poderémonos considerar realmente sabios.

ANDREA CID LÓPEZ  (4º ESO A).

DÍA LARANXA

No ano 2008, o secretariado Xeral das Nacións Unidas puxo en marcha a campaña ÚNETE para poñer fin á violencia contra as mulleres e as nenas. En xullo do ano pasado proclamou o día 25 de cada mes como o Día Laranxa. Nesta ocasión, invítanos a sumarnos á campaña coa organización dende o 25 de novembro ata o 10 de decembro de "Eventos Laranxa". Nós quixemos participar vestindo unha peza de roupa ou levando un accesorio de cor laranxa, velaí a nosa pequena contribución.

25 NOVEMBRO

A igualdade, o respecto e a paz son cousa de todos. O alumnado de 2º ESO di NON á violencia contra a muller.

25N

SOBRE IGUALDADE

O diario violeta de Carlota (2011) publicado pola editorial Galaxia na colección Costa Oeste forma parte dunha triloxía escrita por Gemma Lienas. Carlota, unha rapaza adolescente, comeza a escribir un diario onde vai anotando todas as situacións discriminatorias contra a muller que percibe ao seu arredor a través das súas lentes violetas.

Fina Casalderrey desenvolve en  Ola, estúpido monstro peludo (2007) o tema da violencia contra a muller. A obra, publicada pola editorial Galaxia na colección Árbore, está destinada a lectores a partir de dez anos e  nela a protagonista, aínda no útero da nai, ve como o pai se converte nun monstro peludo que enche a casa de prohibicións e ameazas que aterran a  súa nai.

NON, Á VIOLENCIA MACHISTA

Co gallo do 25 de novembro, o EDLG proxectou a campaña audiovisual “Non, á violencia machista”.  O alumnado de 1º ESO recolleu o nome do alumnado, profesorado e persoal non docente do Centro para realizar esta presentación, na que coa presenza dos nosos nomes queremos condenar a violencia contra as mulleres.

CONMEMORACIÓN DO 25 DE NOVEMBRO

Varias foron as actividades que realizou o alumnado para conmemorar o Día Internacional da Non Violencia contra a Muller. Confeccionaron pastchworks e carteis con mensaxes positivas, elaboraron lazos solidarios e realizaron unha exposición fotográfica co título "NON á violencia machista".

25 DE NOVEMBRO

Día Internacional para a eliminación da violencia contra a muller.

Para conmemorar esta data realizouse:

- Unha lectura dramatizada de "Un amor que non mate" de Dulce Chacón, adaptación do texto "Un amor que no mate" realizada por Carme Gómez García, compañeira do IES Lagoa de Antela de Xinzo.

- Unha performance do alumnado de 1º e 2º da ESO

- A instalación de "As vítimas e os zapatos".

- Un mural con todas as vítimas do ano 2008.