18.12.15

NADAL GASTRONÓMICO


O alumnado de 1º ESO participou no tradicional concurso de tarxetas de Nadal que o EDLG convoca nestas datas. Nesta ocasión, as tarxetas contiñan receitas típicas da época ilustradas con fotos dos pratos propostos.  Parabéns os/as gañadores/as!

1º ESO A: Martín González Blanco e Ana Cid Seguín.
1º ESO B: Catarina Calheiros Pimentel e Mª Lourdes Freixo Ovalle. 

15.12.15

CARTAS DE INVERNO


Compartimos cos lectores e lectoras do blogue os cómics que o alumnado de 2º ESO confeccionou trala lectura da novela de Agustín Fernández Paz.




25.11.15

DÍA INTERNACIONAL PARA A ELIMINACIÓN DA VIOLENCIA CONTRA A MULLER




 O alumnado de 4º ESO planta cara á violencia contra a muller e participa na campaña promovida pola biblioteca escolar. 

4.11.15

DÍA DA CIENCIA EN GALEGO

O día 4 de novembro celébrase o VI Día da Ciencia en Galego. Se queres coñecer a Historia da Ciencia en Galicia,  podes visitar o Álbum da Ciencia do Consello da Cultura Galega.



30.9.15

A PRAIA DOS AFOGADOS




O filme A praia dos afogados baseado na novela homónima de Domingo Villar foi presentado o luns 28 en Vigo. Asistiron á presentación, o director e produtor, Gerardo Herrero, o autor da novela e o reparto.  A película que será estreada o 9 de outubro conta co actor Carmelo Gómez no papel de Leo Caldas e actores galegos como Luis Zahera, Celia Freijeiro, Celso Bugallo, Marta Larralde, Pedro Alonso, Tamar Novas, Fernando Morán o Carlos Blanco, entre outros.
Domingo Villar confirmou na presentación que a terceira entrega das aventuras de Leo Caldas, Cruces de pedra, será publicada despois do Nadal.
 
 

22.6.15

CAMPAÑA FELICITA EN GALEGO



O EDLG deseñou un nova campaña dirixida ao comercio local. Nesta ocasión, baixo o nome de Felicita en galego I, creou etiquetas adhesivas coas lendas "Desexo que che guste" e "Parabéns" que van ser distribuídas polas alumnas Uxía Oviedo e Lucía González de 3º ESO entre algúns dos comercios da contorna.

15.6.15

PRESUME DE GALEGO

Sumámonos á campaña organizada pola Coordinadora Galega de Equipos de Normalización e Dinamización Lingüística "Presume de galego" coas gravacións do alumnado de 1º ESO, alumnado galegofalante orgulloso da súa lingua. Por iso, todos/as escolleron un tema, planificaron a exposición e compartírona cos compañeiros/as de aula. Velaquí algúns exemplos. 

 


 


 

12.6.15

OLLOS DE AULA Nº 22

Chéganos o número 22 da revista Ollos de aula. A Coordinadora di que Carmen Moure Espiño, profesora de Lingua Galega e Literatura no IES Castro Alobre de Vilagarcía, responde á pregunta “Por que se precisan proxectos de sensibilización coeducativa?”; e Mª Montserrat Castro Rodríguez, profesora da Fac. de CC. Da Educación da UdC propón unha serie de actividades para que a rapazada reforce aprendizaxes da escola que deben estar e servir para a vida ordinaria. Pola súa banda, a psicopedagoga Lines Salgado achégase aos estándares da LOMCE na sección "Palabras do ensino", mentres que Gracia Santorum nos agasalla novamente cunha triada de interesantes propostas lectoras en “Cadencias”.



8.6.15

O MEU GATO É UN POETA

 
O alumnado de 1º ESO A recita algúns dos poemas da obra O meu gato é un poeta de Fran Alonso.
 
  





5.6.15

RECOMENDACIÓNS LITERARIAS


O alumnado de 4º ESO recomenda a lectura dalgunhas das súas obras literarias preferidas:  Matarte lentamente, O pintor do sombreiro de malvas, O achado do castro ou Pel de lobo. Visiona os vídeos dos libros e déixanos un comentario. 







ENTREGA PREMIOS


Alumnado gañador do Concurso João de Nóvoa nas diferentes modalidades e categorías:

 POESÍA

2ª categoría: alumnado de 1º e 2º ESO.

María Bermejo Carballo: “Deposito os sentimentos” (2º ESO).

Roi Poza Otero: “O amor” (2º ESO).

3ª categoría: alumnado de 3º, 4º ESO e FPB.

Laureano de Sousa Dias: “Galicia, Letras e Palabras” (3º ESO).

4ª categoría: alumnado de 1º, 2º Bacharelato e Ciclo.

Cristina Otero Mangana: “Meu ceo” (1º BAC.).

 

RELATO CURTO

1ª categoría: alumnado de Educación Primaria

Catarina Calleiros Pimentel e  Mª Lourdes Freixo Ovalle 6º EP do CEIP Baños de Molgas.
 

3ª categoría: alumnado de 3º, 4º ESO e FPB.

David Sobrino Gonçalves: “O reino da cizaña” (3º ESO).

Uxía Oviedo de Dios: “Soños roubados” (3º ESO).

Andrea Cid López: “Atrapada” (4º ESO).


CURTAMETRAXE

Accésit por “Sé ti mesmo, pero lembra ser o mellor  ti” ao alumnado: Nieves Basalo González,  Lorena Domínguez Navarro, Estela Expósito Salgado, Christopher Gómez Seijas, Helena Losada González, María Prol González, Emma Fariñas Cabo, Yago Vilarchao Cid (3º ESO B); Lucía González Iglesias, Uxía Oviedo de Dios (3º ESO A); Sergio Domínguez Navarro (2º ESO A) e Brais Martínez Quintas (2º ESO B).
 

 

4.6.15

VIDEOPOEMAS

As alumnas Antía Barrio e Andrea Cid preséntannos as súas creacións partindo de coñecidos poemas.





17.5.15

RECITADO SEIS CANCIONES DEL MAR IN MODO ANTICO

O alumnado de 4º ESO recita os poemas neotrobadoristas de Xosé Filgueira Valverde. Preme no enlace Seis canciones del mar in modo antico para poder acceder a eles.





13.5.15

CORRELINGUA


Un ano máis asistimos con outros centros da provincia ao Correlingua. Para celebrar o seu décimo quinto aniversario acompañounos Xurxo Souto como presentador, un pracer escoitalo. Asistimos tamén á proxección dos 15 anos do Correlingua, á lectura do Manifesto por  un grupo de alumnado do colexio Malvedo, á proxección do vídeo gañador do concurso e á actuación do grupo musical Monoulious D.O.P. A continuación percorremos varias rúas da cidade ata reunírmonos na Praza Maior, alí entregáronse  os premios ás mellores pancartas e  gozamos cos xogos que nos propuxo o alumnado do TAFAD do CIFP A Farixa.

 

OLLOS DE AULA Nº 21

A Coordinadora Galega de Equipos de Normalización e Dinamización da Lingua Galega publica o número 21 da revista Ollos de aula. Nela atoparedes dezasete cousas que podemos facer pola lingua o 17 de maio e o resto do ano.

 


 


 

12.5.15

O MEU LIBRO PREFERIDO

Para conmemorar o Día do Libro e mais as nosas Letras, o Equipo de Dinamización da Lingua Galega propuxo ao alumnado de 1º ESO a realización dun vídeo recomendando un libro. Velaquí as súas propostas.






10.5.15

XOSÉ FILGUEIRA VALVERDE




O Equipo de Dinamización da Biblioteca e o Equipo de Dinamización da Lingua Galega propóñenvos afondar na figura do homenaxeado nas Letras. Como? Acudindo á biblioteca para consultar os carteis gañadores do Concurso-Exposición Letras Galegas 2015  e buscando a resposta ás preguntas que vos propoñemos neste formulario.

9.5.15

DÍA DE EUROPA


1º ESO A

Co obxectivo de conmemorar o Día de Europa, de contribuír á normalización da nosa lingua e de facer visibles os profesionais da tradución, o alumnado de 1º ESO A confeccionou un mapa de Europa cunha selección de autores e obras europeas traducidas ao galego.

5.5.15

MES DAS LETRAS


Comeza o mes das Letras!  Xosé Filgueira Valverde é este ano o autor homenaxeado. Aquí tedes algunhas páxinas onde podedes atopar información sobre a súa figura:

Museo de Pontevedra
Fundación Filgueira Valverde
Real Academia Galega
Xosé Filgueira Valverde. Exposición no Museo de Pontevedra (Vídeo).

28.4.15

QUE SE VEXA! O GALEGO


A Coordinadora de Traballadores/as de Normalización da Lingua (CTNL) proponnos o lema QUE SE VEXA! O GALEGO, "e así utilizalo para darlle protagonismo á nosa lingua e para destacar que os actos programados arredor das LETRAS se centran en visibilizar unha lingua viva e rica válida para todos os ámbitos e situacións".
Para ler a proposta completa premede no lema.
 

19.3.15

OLLOS DE AULA Nº 20




A Coordinadora Galega de Equipos de normalización e Dinamización Lingüística envíanos o número 20 da revista Ollos de aula e dinos que "no presente número a psicopedagoga Lines Salgado achéganos á mediación escolar; Pilar Sampedro, docente e membro da Asesoría de bibliotecas escolares da Consellería de Educación, analiza o papel que debe xogar a familia na iniciación á lectura;  a pregunta desta entrega se centra en "Como detectar un trastorno da conduta alimentaria?".  Gracia Santórum preséntanos interesantes propostas literarias, musicais e de ocio. A contracapa convídanos a reflexionar sobre a estigmatización do modelo da fala dos galegofalantes que, ás veces, cometemos os propios docentes co noso "bolígrafo vermello".

8.3.15

DÍA DA MULLER


 “Princesa (contra) Disney”
Cuspo os chícharos
agochados no colchón
como se fosen balas.
Arrinco o vestido de seda.
Íspome e pego un berro
que escacha as porcelanas.
O cabelo longo semella atadura.
(As tesoiras fanme menos escrava).
Fuxo da torre.
Da mazá envelenada
da obediencia.
Fendo os ferrollos.
Pelo curto,
lingua solta.
Respiro fondo,
corro descalza.
Comezo a alancar
cara a esa gándara
máis alá dos espellos.
(Vaime volvendo a voz
que perdín en palacio).
       Penúltimas tendencias. Carlos Negro

7.3.15

MANIFESTO CONTRA A VIOLENCIA

Avance e progreso na sociedade actual? Nós, dicimos non! Unha sociedade avanzada non permite nin tolera a agresión a unha persoa. Queremos dicir basta! Basta a unha sociedade hipócrita!  Definímonos como  sabios, hommo sapiens, pero sómolo realmente?

Diferenciámonos dos animais pola nosa capacidade de razoamento, pero unha persoa que maltrata a outra ata incluso causarlle a morte, merece ese cualificativo? Non! Abride os ollos,  nós querémosvolos abrir! Facervos comprender que a nosa sociedade non debería tolerar a agresión, a humillación, o acoso ou o asasinato de ningunha persoa.

Basta desta hipocrisía, erguede a cabeza e mirade o que está a pasar. Loitade para que cambie e despois poder dicir orgullosos/as que vivimos nunha sociedade avanzada e progresista que deixou atrás calquera tipo de machismo. Cando a violencia contra a muller desapareza, poderémonos considerar realmente sabios.

ANDREA CID LÓPEZ  (4º ESO A).

24.2.15

DÍA DE ROSALÍA



O 24 de febreiro conmemórase o aniversario do nacemento de Rosalía de Castro e a Asociación de Escritoras e Escritores en Lingua Galega (AELG)  propón  á cidadanía que agasalle un libro en galego e unha flor. 
Neste 2015 tamén propón celebralo baixo o lema "Eu son Rosalía" e convida os centros escolares, institucións, particulares… que se quixeren sumar, a realizaren actividades encamiñadas a afondar na diversidade temática da obra rosaliana e a  comunicalo gravando en vídeo unha frase que comezaría por “Eu son Rosalía porque/cando/para…”.



9.2.15

LECTURAS CON AMOR





Manuel Portas. Amor en alpargatas. Ed. Xerais (2015)
Rosa Aneiros. Ámote Leo. Terminal de…chegadas? Ed. Xerais (2014)
Rosa Aneiros. Ámote Leo. Estación tránsito. Ed. Xerais (2014)
Rosa Aneiros. Ámote Leo. Destino Xalundes. Ed. Xerais (2013)
Jaureguizar. Amor de Serea. Ed. Xerais (2013)
X.H. Rivadulla Corcón. O noso amor será eterno. Ed. Galaxia (2011)
Xosé Antonio Neira Cruz. Un bico de amor e vida. Ed. Galaxia (2009)
Iolanda Zúñiga. Amor amén. Ed. Xerais (2008)
Agustín Fernández Paz. O único que queda é o amor. Ed. Xerais (2007)
Fran AlonsoCartas de amor. Ed. Xerais (2006)
Xabier P. Docampo. De cores e de amores. Ed. Galaxia (2005)
Bernardino Graña. Sen sombra e sen amor Ed. Galaxia (2004)
Bieito Iglesias. Amor e música lixeira.  Ed. Galaxia (2004)

4.2.15

OLLOS DE AULA Nº 19




A Coordinadora Galega de Equipos de Normalización e Dinamización Lingüística envíanos un novo número da revista Ollos de aula. Dinos que “nesta primeira entrega do ano, Carmen Díaz Simón, orientadora do IES Lucus Augusti, valora cando as familias e o alumnado deben acudir ao Departamento de Orientación. Pola súa banda, Mª Dolores González Piñeiro, orientadora do CEIP San Clemente de Caldas de Reis, ofrece algunas estratexias para estimular a intelixencia emocional. Así mesmo, Lines Salgado achégase e formula interrogantes sobre os famosos centros plurilingües e as seccións bilingües, mentres que Gracia Santórum nos agasalla unha vez máis cunha boa presada de atractivos títulos literarios.

E non esquezamos, como nos di a contracapa, que, “cando se trata da lingua... a última palabra tamén a tes ti, o teu contorno, a túa familia”... todos nós!”.

30.1.15

DÍA DA PAZ




Aproveitamos a data para recomendarvos un interesantísimo cómic sobre a guerra de Chechenia publicado por Salamandra Graphic (2014). Cuadernos rusos de Igort parte do asasinato da xornalista e escritora rusa Anna Politkóvskaya no ano 2006 e analiza unha realidade que o autor coñece moi ben pola súa ascendencia rusa. Trátase dun relato duro, para lectores de BAC., do que podedes atopar máis información premendo nos enlaces.

Preme na portada do cómic e accede a un fragmento en formato PDF.