DÍA DA MULLER

 

NON É NORMAL

O alumnado de 1º ESO reflexiona sobre situacións e actitudes que sofren as mulleres e que non son normais. 

 

25 NOVEMBRO

25 NOVEMBRO

1º BAC.

O alumnado de 1º BAC. quere destacar a mulleres de diferentes ámbitos que polo seu traballo son un modelo para moitas persoas. 

25 NOVEMBRO

Cartel confeccionado polo alumnado de 1º e 2º ESO

Xela volveuse vampira!

Autora: Fina Casalderrey
Ilustradora: Noemí López Vázquez
Editorial: Baía Edicións
Infantil-Xuvenil, 2007
Finalista do Premio Xosé Neira Vilas ao mellor libro infantil do ano. 
        

SON FEMINISTA

DÍA INTERNACIONAL DA MULLER

O alumnado de 4º ESO A quere render unha homenaxe a mulleres de diferentes ámbitos profesionais para reivindicar a loita pola igualdade no traballo e recoñecer o labor cotián de todas elas. 

DÍA INTERNACIONAL PARA A ELIMINACIÓN DA VIOLENCIA CONTRA A MULLER

 O alumnado de 4º ESO planta cara á violencia contra a muller e participa na campaña promovida pola biblioteca escolar. 

DÍA DA MULLER

 “Princesa (contra) Disney”

Cuspo os chícharos
agochados no colchón
como se fosen balas.
Arrinco o vestido de seda.
Íspome e pego un berro
que escacha as porcelanas.
O cabelo longo semella atadura.
(As tesoiras fanme menos escrava).
Fuxo da torre.
Da mazá envelenada
da obediencia.
Fendo os ferrollos.
Pelo curto,
lingua solta.
Respiro fondo,
corro descalza.
Comezo a alancar
cara a esa gándara
máis alá dos espellos.
(Vaime volvendo a voz
que perdín en palacio).

       Penúltimas tendencias. Carlos Negro

MANIFESTO CONTRA A VIOLENCIA

Avance e progreso na sociedade actual? Nós, dicimos non! Unha sociedade avanzada non permite nin tolera a agresión a unha persoa. Queremos dicir basta! Basta a unha sociedade hipócrita!  Definímonos como  sabios, hommo sapiens, pero sómolo realmente?

Diferenciámonos dos animais pola nosa capacidade de razoamento, pero unha persoa que maltrata a outra ata incluso causarlle a morte, merece ese cualificativo? Non! Abride os ollos,  nós querémosvolos abrir! Facervos comprender que a nosa sociedade non debería tolerar a agresión, a humillación, o acoso ou o asasinato de ningunha persoa.

Basta desta hipocrisía, erguede a cabeza e mirade o que está a pasar. Loitade para que cambie e despois poder dicir orgullosos/as que vivimos nunha sociedade avanzada e progresista que deixou atrás calquera tipo de machismo. Cando a violencia contra a muller desapareza, poderémonos considerar realmente sabios.

ANDREA CID LÓPEZ  (4º ESO A).

DÍA LARANXA

No ano 2008, o secretariado Xeral das Nacións Unidas puxo en marcha a campaña ÚNETE para poñer fin á violencia contra as mulleres e as nenas. En xullo do ano pasado proclamou o día 25 de cada mes como o Día Laranxa. Nesta ocasión, invítanos a sumarnos á campaña coa organización dende o 25 de novembro ata o 10 de decembro de "Eventos Laranxa". Nós quixemos participar vestindo unha peza de roupa ou levando un accesorio de cor laranxa, velaí a nosa pequena contribución.

"MATRIARCAS"

Queremos que visionedes o vídeo musical "Matriarcas",  un tema do álbum Lúas de outubro e agosto de Guadi Galego que sairá á venda o 25 de novembro. Que mellor maneira de conmemorar este día que rendendo homenaxe  ás MULLERES!!! Tedes  información sobre o disco no artigo de Carme Vidal publicado en Sermos Galiza. 

Ademais, o vídeo vén con sorpresa, fixádevos ben nas mulleres que aparecen. 

DÍA INTERNACIONAL DA MULLER

O 8 de marzo conmemórase o Día Internacional da Muller. Preme no enlace se queres saber algo máis sobre a historia deste día. 

25 NOVEMBRO

A igualdade, o respecto e a paz son cousa de todos. O alumnado de 2º ESO di NON á violencia contra a muller.

8 DE MARZO

O alumnado de 1º ESO, inspirándose en  O diario violeta de Carlota, confeccionou unhas lentes violetas para mellorar a visión da sociedade. Coma Carlota, a protagonista deste libro, invítannos a ver o mundo cunha ollada de cor violeta, unha ollada feminista que nos permita vivir nunha sociedade igualitaria, non discriminatoria e xusta.

"Para que nos axudedes a poñer moitas lentes violetas"

Podedes atopar comentarios sobre O diario violeta de Carlota no blog  da editorial Galaxia. Premede no enlace para acceder a eles.

25N

SOBRE IGUALDADE

O diario violeta de Carlota (2011) publicado pola editorial Galaxia na colección Costa Oeste forma parte dunha triloxía escrita por Gemma Lienas. Carlota, unha rapaza adolescente, comeza a escribir un diario onde vai anotando todas as situacións discriminatorias contra a muller que percibe ao seu arredor a través das súas lentes violetas.

Fina Casalderrey desenvolve en  Ola, estúpido monstro peludo (2007) o tema da violencia contra a muller. A obra, publicada pola editorial Galaxia na colección Árbore, está destinada a lectores a partir de dez anos e  nela a protagonista, aínda no útero da nai, ve como o pai se converte nun monstro peludo que enche a casa de prohibicións e ameazas que aterran a  súa nai.

DÍA INTERNACIONAL DA MULLER

Campaña da Secretaría Xeral da Igualdade da Presidencia da Xunta de Galicia.

NON, Á VIOLENCIA MACHISTA

Co gallo do 25 de novembro, o EDLG proxectou a campaña audiovisual “Non, á violencia machista”.  O alumnado de 1º ESO recolleu o nome do alumnado, profesorado e persoal non docente do Centro para realizar esta presentación, na que coa presenza dos nosos nomes queremos condenar a violencia contra as mulleres.

CONMEMORACIÓN DO 25 DE NOVEMBRO

Varias foron as actividades que realizou o alumnado para conmemorar o Día Internacional da Non Violencia contra a Muller. Confeccionaron pastchworks e carteis con mensaxes positivas, elaboraron lazos solidarios e realizaron unha exposición fotográfica co título "NON á violencia machista".