O alumnado de 1º ESO participou hoxe nunha xornada festiva con outros centros de ensino para reivindicar e fomentar a lingua galega. Alumnas e alumnos asistiron ao concerto de Mekánika Rolling Band, percorreron diversas rúas do centro de Ourense nunha andaina a prol da lingua e remataron desfrutando con divertidos xogos.
O IES San Mamede súmase á iniciativa de dinamización da lingua galega promovida polo IES Rafael Dieste da Coruña.
O alumnado de 4º ESO visitou o concello, o centro de saúde, a biblioteca e os diferentes establecementos de Maceda onde colocou un cartel do instituto para fomentar o uso da lingua galega. Tamén fixo unha fotografía entregando o cartel.
Conmemoramos este día fundíndonos coa cuberta dun libro. Estas orixinais fotografías son o resultado.
O Equipo de Dinamización da Lingua Galega convoca unha nova edición do concurso literario João de Nóvoa.
O especialista en hórreos, Arturo Fernández Araújo, visitou o centro esta semana e impartiu unha charla ao alumnado de 1º ESO. O divulgador, que tivo como profesor ao etnógrafo Xaquín Lorenzo "Xocas", achegou fotografías e maquetas destas construcións e explicou ás alumnas e alumnos algúns dos seus nomes: cabaceiros, hórreos, canastros ou cacipos. Tamén disertou sobre os distintos tipos, as súas partes, os elementos ornamentais, a localización, usos e clases de millo e procedencia.
O alumnado de 1º ESO quere desexarvos un Feliz Nadal Inclusivo e comparte as tarxetas que confeccionou con fragmentos de libros que tratan a diversidade, a igualdade e a inclusión.
 |
No día de hoxe, o alumnado de 3º e 4º ESO participou nunha charla sobre toponimia que se enmarca dentro do programa de promoción da lingua galega Toponimízate. Falámosche dos nomes da túa terra.
Vicente Feijoo Ares, coordinador da Unidade Técnica de Toponimia da Real Academia Galega (Seminario de Onomástica) e coordinador técnico do proxecto colaborativo Galicia Nomeada (Xunta de Galicia-Real Academia Galega), disertou sobre a riqueza toponímica de Galicia e sobre a toponimia como patrimonio inmaterial que esmorece cando se abandonan as tarefas agrícolas, as aldeas quedan deshabitadas, falecen as persoas maiores ou medran as vilas e cidades. Falou tamén do nacemento dun proxecto colaborativo chamado Galicia Nomeada para protexer e difundir esta herdanza cultural, das utilidades prácticas da información toponímica, así como da orixe e significado dos topónimos maiores do concello de Maceda.
.jpg)
_-_1.jpg)
