ROTEIRO SAN CIBRÁN DE LAS - MOSTEIRO DE OSEIRA - MUSEO LISTE - PAZO DE TRASALBA

O alumnado de 1º e 2º BAC. participou no roteiro que comezou en San Cibrán de Las, continuou en Oseira e rematou en Trasalba.

DÍA DE ROSALÍA

O 23 de febreiro celébrase o Día de Rosalía. No noso centro conmemorámolo o xoves 26 agasallando un marcapáxinas á comunidade educativa.

O FELO DE MACEDA

O Felo de Maceda, tal como explica Santiago Prol, presenta semellanzas coa indumentaria dos Peliqueiros de Laza e Cigarróns de Verín. Calcetíns de lá brancos, medias negras, ringleiras de borlas de distintas cores, colcha con freques claros arredor do van, rabo de zorro nó alto da mitra, colares varios e caiado como arma intimidatoria. O canónico aconsella pintar na mitra animais ou aves da Serra de San Mamede e non fauna nin motivos alleos.

Propúxoselle ao alumnado de 1º ESO a realización dunha careta. O resultado foron os seguintes traballos.

SMS AMOROSAS

O alumnado de 2º, 3º e 4º ESO realizou mensaxes curtas de amor na semana do 14 de febreiro.

VERBUM: CASA DAS PALABRAS

O alumnado de 3º e 4º ESO visitou o Verbum en Vigo. Alí puideron contemplar a exposición permanente "Palabras sobre palabras" e a exposición temporal "Eduardo Blanco Amor. A ollada do desexo".

LER PARA VIAXAR : INTERCAMBIO CULTURAL CO IES LAGOA DE ANTELA

Os inicios deste intercambio cultural co IES Lagoa de Antela remóntanse ao curso 2006/07. O alumnado de ambos centros, que entón estudaba 4º ESO, comezou a actividade preparando un itinerario para amosar a súa comarca. O intercambio materializouse o ano pasado cunha visita a Maceda e rematou coa nosa viaxe a Xinzo.

REPRESENTACIÓN TEATRAL NOITE DE REIS

Baixo a dirección de Quico Cadaval, o Centro Dramático Galego presentou a peza teatral Noite de Reis. Ou o que queirades de William Shakespeare. O alumnado de 4º ESO e 1º BAC. asistiu á representación teatral celebrada no Salón Teatro de Santiago de Compostela.

CALENDARIO 2009

O ENDL agasallou a toda a comunidade educativa un calendario do novo ano. O deseño da imaxe foi realizado por María Prieto e Raquel Salgado.

ENTREGA DE PREMIOS DE TARXETAS DE NADAL

O ENDL promoveu un concurso de tarxetas de Nadal. A actividade, dirixida ao alumnado de 1º ESO, consistiu na realización de tarxetas co programa informático Microsoft Publicher. Cada tarxeta contiña un conto de Nadal e unha imaxe relacionada co contido.

PROXECCIÓN DA LONGAMETRAXE PRADOLONGO

O día 17 de decembro proxectouse Pradolongo, actividade organizada polo ENDL en colaboración con outros departamentos. Trátase dunha longametraxe dirixida por Ignacio Vilar e protagonizada por Rubén Riós, Tamara Canosa e Roberto Porto.