22.12.09

NADAL LITERARIO


O alumnado de 1º ESO confeccionou tarxetas de Nadal que incluían unha felicitación e a recomendación dunha obra literaria. Os gañadores do concurso organizado polo Equipo de Normalización e Dinamización Lingüística recibiron un agasallo e un diploma.

CALENDARIO 2010

Como é tradición nos últimos anos, o Equipo de Normalización e Dinamización Lingüística agasallou a toda a Comunidade Educativa cun calendario do ano novo. O deseño foi realizado pola alumna Melisa Santiago Nieto.

25.11.09

CONMEMORACIÓN DO 25 DE NOVEMBRO



Varias foron as actividades que realizou o alumnado para conmemorar o Día Internacional da Non Violencia contra a Muller. Confeccionaron pastchworks e carteis con mensaxes positivas, elaboraron lazos solidarios e realizaron unha exposición fotográfica co título "NON á violencia machista".

30.10.09

CREANDO HISTORIAS

Hoxe recibimos a visita no noso centro de Anxo Fariña. O autor-ilustrador explicou como crear unha historia; realizou divertidas ilustracións e mantivo un interesante coloquio co alumnado de 1º ESO. Anteriormente recibiran como agasallo o libro Os Megatoxos e a espada Esmeralda pertencente á colección Os Megatoxos. O libro converteuse na lectura obrigatoria do 1º trimestre e espertou un grande interese no alumnado. Crearon, ademais, vistosos marcapáxinas inspirados na obra lida.
A actividade foi promovida pola Secretaría Xeral de Política Lingüística en colaboración con A Nosa Terra.




6.10.09

REPRESENTACIÓN TEATRAL COMEDIA BÍFIDA


O alumnado de 1º e 2º BAC. asistiu hoxe, no Auditorio de Ourense, á posta en escena de Comedia bífida, unha montaxe da compañía Nobicarelo Teatro baseada na obra homónima de Manuel Núñez Singala.

Na peza téntanse desmontar algúns dos prexuízos que se asocian ao uso do galego. É unha mágoa que a montaxe non fose quen de reflectir a verdadeira esencia da comedia de Singala e se desvirtuase o seu auténtico sentido recorrendo ao chiste fácil.

30.9.09

REPRESENTACIÓN TEATRAL A ESMORGA





Principiamos as actividades complementarias e extraescolares do curso 2009/2010 coa asistencia do alumnado de 4º ESO e 3º ESO C á representación teatral da obra A esmorga. Sarabela Teatro pon en escena a adaptación textual realizada por Begoña Muñoz e Carlos Couceiro. Celébranse 50 anos da publicación da novela e 30 da morte de Eduardo Blanco Amor.

19.6.09

REPRESENTACIÓN TEATRAL


O día 15 de xuño pola tarde todo o alumnado do centro asistiu, no salón “Rosalía de Castro”, á posta en escena da obra “O Lazarillo”, a cargo da compañía Caramuxo Teatro, da Coruña. Con esta representación clausuramos as actividades do ENDL durante este curso escolar 2008/2009. O ano que vén haberá moitas máis. Boas vacacións!

A CULTURA CIRCULA

O curso chega á súa fin e as mochilas viaxeiras regresan ao centro. A actividade, dirixida ao alumnado de 1º ESO e ás súas familias, púxose en marcha o curso pasado e tivo continuidade neste. A nosa proposta inclúe: prensa, cine, música, xogos informáticos educativos e literatura.

28.5.09

RECITADO DÍA DAS LETRAS

Polo mes das Letras, o alumnado de 1º ESO B realizou o recitado das súas composicións adicadas ao libro e unha escolma de poetas galegos.





INTERCAMBIANDO TOPONIMIA E VISIBILIZÁNDOA

Durante este curso desenvolvemos a actividade “Intercambiando toponimia e visibilizándoa”, conxuntamente cos ENDL do IES Abrente de Ribadavia, IES Xulio Prieto Nespereira de Ourense, IES Lagoa de Antela de Xinzo de Limia e os diferentes departamentos de Lingua Galega e Literatura. O proxecto consistiu en confeccionar camisetas cun deseño común a partir dun traballo de microtoponimia das diferentes bisbarras. O obxectivo era coñecer, valorar e facer visible a nosa riqueza toponímica; propiciar o intercambio de coñecementos, potenciar a creatividade e empregar as TIC. Este traballo permitiu ao alumnado coñecer a orixe dos topónimos e observar a relación entre estes e o contorno, apreciando as alteracións no medio. Mesmo puideron descubrir como lugares afastados comparten nomes.


ENTREGA DE PREMIOS LETRAS 09





a) Premio do CONCURSO DE CÓMICS sobre a vida do autor homenaxeado no Día das Letras.

1º ESO A (G1):

-Rubén García García

1º ESO A/ B (G2):

-Alberto Pintor Prol

1º ESO (G3):

-Paula González Fernández

b) Premios do II Concurso literario de relato curto e poesía Joao de Nóvoa:

1ª categoría (6º primaria)

-Natalia Araújo Pérez
-Alba Baltar Janeiro

2ª categoría (1º ESO):

-Prosa: Jordi Mantilla Bouzas. “Un neno diferente”.
-Poesía: Silvia Domínguez Navarro. “Amor”.

2ª categoría (2º ESO):

-Prosa: Álvaro Souto Janeiro. “Dúas probas e unha apócema”
Julen Lameiras Méndez. “O guerreiro Ji-Chung”.

-Poesía: Samuel González Fernández. “Unha árbore caída”.

3ª categoría (3º ESO):

- Prosa: Kelly Conde Pérez. “Un novo amencer”

3ª categoría (4º ESO):

-Prosa: Natalia Cid González. “A última noite”.
-Poesía: Catarina Rodríguez Iglesias. “Un poema chamado o libro”.

21.5.09

RECITADO DÍA DAS LETRAS

No mes das Letras continúan as actividades, desta vez da man do alumnado de 2º ESO C que recitará unha escolma de poemas de poetas galegas, o día 21 de maio no segundo recreo, no Salón Rosalía de Castro.





17.5.09

RAMÓN PIÑEIRO

A comunidade do IES San Mamede comezou a conmemorar o Día das Letras 09 cunha aproximación á figura do homenaxeado: Ramón Piñeiro López.


14.5.09

AS PALABRAS MÁIS FERMOSAS



Cales son as palabras máis fermosas da nosa lingua? Velaquí as nosas propostas:

UN RÍO DE PALABRAS

Quixemos conmemorar a semana do 17 de maio promocionando As Nosas Letras. Emulando o protagonista do relato “Un río de palabras” de Agustín Fernández Paz, o alumnado de 3º e 4º ESO elaborou un cartel semellante aos que atopamos polas rúas. Eses papeis con anuncios onde a xente se ofrece para traballar e en pequenas tiras adxunta o seu número de teléfono. O alumnado aproveitou ese espazo para recomendar unha obra literaria, seleccionou un fragmento e substituíu o número de teléfono polo título e autor.
Os carteis foron colocados en distintos espazos e anegaron o noso centro con ríos de palabras. Agora, como di o narrador do relato, "se a alguén lle interesa a historia que se agacha detrás desas poucas liñas, aí ten o fío polo que tirar dela ata o remate".


CONCURSO DE CÓMICS

O ENDL propuxo ao alumnado de 1º ESO a realización de cómics sobre a figura de Ramón Piñeiro. Os traballos foron expostos nos corredores do centro.

LETRAS GALEGAS 2009

Comezamos a celebración do mes das Letras con distintas actividades. Este ano dedícanse á figura de Ramón Piñeiro, o filósofo da saudade.

"Existe un pensamento desde o momento en que existe unha lingua, unha cultura, un xeito de vivir e de contemplar o mundo".
Ramón Piñeiro

6.5.09

CORRELINGUA 2009

Baixo a lenda "En galego! Pásao!" celebrouse o Correlingua en Ourense.
Os grupos de 1º ESO participamos na carreira pola lingua, porque debemos de compometernos no proceso normalizador do noso idioma.

30.4.09

RUTAS LITERARIAS POLO MUSEO PROVINCIAL DE LUGO

Tras a lectura do libro Contos do museo, os tres grupos de 2º ESO achegámonos a Lugo. Alí, participamos nesta actividade que nos permitiu coñecer os tesouros que alberga o Museo Provincial.


31.3.09

VISITA AO XORNAL LA REGIÓN

O alumnado de 1º ESO participou nunha visita didáctica ás dependencias do xornal La Región onde recibiron información sobre a elaboración e impresión do xornal.

9.3.09

DÍA INTERNACIONAL DA MULLER

O 8 de marzo conmemoramos o Día Internacional da Muller. Confeccionamos unha presentación cunha selección de mulleres galegas relevantes en distintos ámbitos e participamos na actividade SOMOS PERSOAS.

4.3.09

ROTEIRO SAN CIBRÁN DE LAS - MOSTEIRO DE OSEIRA - MUSEO LISTE - PAZO DE TRASALBA


O alumnado de 1º e 2º BAC. participou no roteiro que comezou en San Cibrán de Las, continuou en Oseira e rematou en Trasalba.

26.2.09

DÍA DE ROSALÍA

O 23 de febreiro celébrase o Día de Rosalía. No noso centro conmemorámolo o xoves 26 agasallando un marcapáxinas á comunidade educativa.

20.2.09

O FELO DE MACEDA

O Felo de Maceda, tal como explica Santiago Prol, presenta semellanzas coa indumentaria dos Peliqueiros de Laza e Cigarróns de Verín. Calcetíns de lá brancos, medias negras, ringleiras de borlas de distintas cores, colcha con freques claros arredor do van, rabo de zorro nó alto da mitra, colares varios e caiado como arma intimidatoria. O canónico aconsella pintar na mitra animais ou aves da Serra de San Mamede e non fauna nin motivos alleos.
Propúxoselle ao alumnado de 1º ESO a realización dunha careta. O resultado foron os seguintes traballos.

13.2.09

SMS AMOROSAS

O alumnado de 2º, 3º e 4º ESO realizou mensaxes curtas de amor na semana do 14 de febreiro.


4.2.09

VERBUM: CASA DAS PALABRAS

O alumnado de 3º e 4º ESO visitou o Verbum en Vigo. Alí puideron contemplar a exposición permanente "Palabras sobre palabras" e a exposición temporal "Eduardo Blanco Amor. A ollada do desexo".

19.1.09

LER PARA VIAXAR : INTERCAMBIO CULTURAL CO IES LAGOA DE ANTELA

Os inicios deste intercambio cultural co IES Lagoa de Antela remóntanse ao curso 2006/07. O alumnado de ambos centros, que entón estudaba 4º ESO, comezou a actividade preparando un itinerario para amosar a súa comarca. O intercambio materializouse o ano pasado cunha visita a Maceda e rematou coa nosa viaxe a Xinzo.


15.1.09

REPRESENTACIÓN TEATRAL NOITE DE REIS

Baixo a dirección de Quico Cadaval, o Centro Dramático Galego presentou a peza teatral Noite de Reis. Ou o que queirades de William Shakespeare. O alumnado de 4º ESO e 1º BAC. asistiu á representación teatral celebrada no Salón Teatro de Santiago de Compostela.